Plantun de Prouvènço

Pèr coumpara dos planto d'encò nostre

Galium minutulum & Potamogeton nodosus

Galium minutulum

Rubiaceae

Nom en français : Gaillet minuscule.

Descripcioun :
La reboulo-menudeto es uno pichoto planto, pulèu raro, que trachis dins li pelouso dis isclo séusouso e en ribo de mar. Se destrìo de Galium murale emé si long entre-nous, si fru redoun (e pas óuvalo) que mounton (e penjon pas). Coumpara emé la reboulo-de-muraio, mai coumuno, que ié sèmblo proun .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : Verticilado
Tipe bioulougico : Teroufite
Cicle bioulougico : Planto de l'an

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 1 à 2 mm
Flourido : Printèms

Sòu : Si
Autour basso e auto : 0 à 100 m
Aparado : Noun
Remarco : Planto de coustiero
Mars à mai

Liò : Pelouso - Relarg à jóuinis aubret
Estànci : Termoumediterran à Mesoumediterran
Couroulougi : Estenoumediterrano-Nord-Ouèst
Ref. sc. : Galium minutulum Jord., 1846

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.